මුත්තයියා මුරලිදරන් ගේ චරිතාපදානය ඇසු‌රෙන් නිර්මාණය වන 800 චිත්‍රපටයේ පූර්ව ප්‍රචාරක පටය එළිදැක්වීමේ උත්සවය මේ මස 6 වැනිදා ( අඟහරුවාදා ) මුම්බායිහිදී පැවැත්වීමට නියමිතය.
මේ සඳහා සහභාගී වන ලෙස ඉන්දීය සුපිරි ක්‍රිකට් ක්‍රීඩක සචින් තෙන්ඩුල්කාර්ට ආරාධනා කර ඇති අතර, ශ්‍රී ලංකා හිටපු විශිෂ්ට පිතිකරු සනත් ජයසූරියද මෙම උත්සවය සඳහා විශේෂ ආරාධිතයෙකු ලෙස සහභාගී වීමට නියමිත බව ආරංචි වේ.
චිත්‍රපටයේ රූගත කිරීම් ඉන්දියාව, ශ්‍රී ලංකාව සහ එංගලන්තයේ සිදු වූ අතර මුරලිගේ සහ ඔහුගේ බිරිඳගේ චරිත නිරූපණය කරන්නේ මධුර් මිට්ටල් සහ මහිම නම්බියාර් විසිනි.
