සිම්බාබ්වේ හිටපු නායකයෙකු මෙන්ම පුහුණුකරුවෙකු වන හීත් ස්ට්‍රික් අභාවප්‍රාප්ත වී තිබේ. මෙම වසර මුලදී ඔහු පිළිකා රෝගයට ගොදුරු වී ඇති බව අණාවරණය වූ අතර මිය යනවිට 49 වියේ පසුවිය.
ඔහුගේ බිරිද විසින් මුහුණු පොතට සටහනක් එක් කරමින් මේ බව තහවරු කර තිබේ.
සිම්බාබ්වේ ජාතික කණ්ඩායම වෙනුවෙන් ටෙස්ට් තරග 65කට සහ එක්දින තරග 189කට ක්‍රීඩාකර ඇති හීත් ස්ට්‍රික් එහිදි ලබාගෙන ඇති කඩුලු සංඛ්‍යාව 455කි. සිම්බාබ්වේ වෙනුවෙන් කඩුලු 100ක් දවාගත් පළමු පන්දු යවන්නා වනුයේද ඔහුය.
පන්දුවෙන් මෙන්ම පිත්තෙන්ද විශිෂ්ට දස්කම් දැක්වූ ස්ට්‍ර්ක් ලබා ඇති ලකුණු සංඛ්‍යාව 4932කි. එයට ශතකයක් සහ අර්ධ ශතක 25ක් ඇතුළත් වේ.
